Adhabu ya Manchester City lazima iwe kali, adhabu ya fedha haitoshi, asema Bernstein

Adhabu ya fedha haitawatosha

Aliyekuwa mwenyekiti wa klabu ya Manchester City, David Bernstein, ametoa maoni yake mazito kuhusu hatima ya klabu hiyo kufuatia kupatikana na hatia katika makosa 115 ya kukiuka kanuni za kifedha. Bernstein anaamini kuwa faini ya pesa pekee haitakuwa suluhu ya kutosha kwa klabu yenye nguvu kubwa ya kiuchumi kama City.

Katika mahojiano yake na talkSPORT, Bernstein alisisitiza kuwa kutokana na klabu hiyo kuwa na uwezo mkubwa wa kifedha, adhabu za kawaida hazitaweza kuleta athari inayokusudiwa.

“Ningesema kwanza kabisa kwamba adhabu za kifedha hazitatosha. Tunazungumzia klabu yenye mifuko isiyo na kikomo. Pesa haimaanishi kitu kikubwa kama tulivyoona katika dirisha la usajili lililopita. Iwe ni pauni milioni 100 au 200, hiyo haitakuwa adhabu tosha,” alisema Bernstein.

Umuhimu wa adhabu za kimichezo

Bernstein, ambaye pia ni shabiki wa klabu hiyo, alionyesha masikitiko yake lakini akasisitiza kuwa lazima kuwepo na hatua zitakazoathiri nafasi ya klabu hiyo kwenye ligi. Alieleza kuwa hatua hizo zinapaswa kuwa na uzito mkubwa ili kuleta mabadiliko ya kweli.

Kuhusu aina ya adhabu inayoweza kutolewa, alibainisha kuwa mambo yanategemea sana muda ambao adhabu hiyo itatolewa. Ikiwa ni katikati ya msimu, alipendekeza kupokonywa pointi nyingi sana ili kuifanya klabu hiyo ishindwe kuendelea kushiriki ligi daraja la kwanza.

“Nafikiri lazima kuwe na kitu kitakachoathiri hali yao ya ligi. Ikiwa ni kupokonywa pointi, inategemea muda. Kama ni leo, msimu ukiwa bado mdogo, adhabu hiyo inapaswa kuwa ya ‘kuhitimisha’ (terminal) kwa maana ya kuwafanya washuke daraja. Labda kupokonywa pointi 80 ambazo zitafanya klabu ishindwe kurejea msimu huu na hatimaye kushuka,” aliongeza.

Historia na matarajio

Bernstein aliongeza kuwa ikiwa adhabu itatolewa mwishoni mwa msimu, jambo hilo linaweza kuwa tofauti na pengine kupelekea kushushwa daraja moja kwa moja. Ingawa hakuna uhakika wa hatua hiyo itachukuliwa, mifano ya klabu nyingine kama Juventus na Rangers duniani, ambao waliwahi kushushwa daraja kwa makosa makubwa ya kikanuni, inatoa taswira ya kile kinachoweza kutokea.

Suala hili linakuja wakati ambapo klabu hiyo ikikabiliwa na mabadiliko makubwa, ikiwemo kuondoka kwa kocha Pep Guardiola na baadhi ya nyota wakubwa wa kikosi hicho kama Rodri na Bernardo Silva, hatua ambayo wengi wanahisi ilikuwa ikisubiriwa baada ya sakata hilo la kifedha kuanza kuota mizizi.