Alejandro Garnacho yupo shakani Aston Villa: Historia ya Harvey Elliott inajirudia?

Hofu ya ‘kufutika’ kwa Garnacho Aston Villa

Kuna dalili zinazoanza kuleta hofu miongoni mwa mashabiki wa soka kuhusu hatima ya Alejandro Garnacho ndani ya klabu ya Aston Villa. Nyota huyo, ambaye yupo Villa kwa mkopo akitokea Chelsea, anaonekana kupoteza nafasi chini ya kocha Unai Emery, hali inayowakumbusha wengi yaliyomkuta Harvey Elliott msimu uliopita.

Uchambuzi wa mienendo ya Emery unaonyesha mbinu zile zile zilizotumiwa kwa Elliott kabla ya kinda huyo wa Liverpool kushindwa kupata nafasi ya kudumu na hatimaye kuondoka. Kwa Garnacho, ambaye ana mkataba wa masharti ya kununuliwa kwa £42.5 milioni kulingana na idadi ya mechi atakazocheza, hali inaonekana kuwa ngumu zaidi.

Historia inayojirudia kwa Emery?

Kumbukumbu zinarejea msimu uliopita wakati Harvey Elliott alipokuwa akihangaika kupata dakika za kucheza. Baada ya muda mrefu wa utata, ilibainika kuwa Emery hakuwa akimtumia Elliott kwa sababu klabu haikutaka kutimiza sharti la kumnunua moja kwa moja kwa £35 milioni, sharti ambalo lingelazimika kutimizwa endapo anglicheza mechi 10 za Premier League.

Awali, Emery alikuwa akitoa sababu za kiufundi, akidai Elliott anafanya mazoezi vizuri lakini kuna ushindani mkubwa. Hata hivyo, ukweli ulikuja kuwekwa wazi baadaye kuwa ilikuwa ni uamuzi wa kimkakati wa klabu kutotaka kumsajili mchezaji huyo.

Hali ya Garnacho sasa

Kwa upande wa Garnacho, hali inafanana sana. Mchezaji huyu hajapata nafasi ya kuanza katika mechi yoyote ya ushindani tangu msimu uanze, na ametumika kwa dakika 32 pekee katika mechi tatu za ligi. Katika mchezo wa hivi karibuni wa Carabao Cup dhidi ya Coventry City, licha ya Emery kufanya mabadiliko mengi, Garnacho hakupata nafasi hata moja ya kuingia uwanjani.

Unapoulizwa kuhusu hatima ya mchezaji huyo, kauli za Emery zimekuwa zikijirudia: “Anatakiwa kuendelea kufanya kazi kwa bidii, kufanya mazoezi na kuwa na subira.” Kocha huyo pia alidokeza kuwa Garnacho alipata majeraha ya usoni wakati wa pre-season, jambo ambalo limechangia kumchelewesha.

Je, Garnacho anahitaji kuwa na wasiwasi?

Wachambuzi wengi wanaamini kuwa Unai Emery huenda tayari ameshafanya uamuzi wake kuhusu Garnacho, kama alivyofanya kwa Elliott. Kwa mchezaji kijana mwenye kipaji kama Garnacho, kukaa nje ya uwanja kwa muda mrefu kunaweza kuathiri sana maendeleo yake ya soka.

“Garnacho bado yupo nyuma kidogo kutokana na hali iliyotokea pre-season. Ni wakati wa kuwa na subira kwa ajili ya muda anaohitaji,” alisema Emery katika moja ya mahojiano yake.

Licha ya maelezo ya kocha, ukweli unabaki kuwa soka ni mchezo wa dakika, na bila kucheza, thamani na kiwango cha mchezaji vinaweza kushuka. Mashabiki wanabaki na swali moja: Je, huyu ni mchezaji ambaye hajafikia viwango vya Emery, au ni mtego mwingine wa mikataba ya mkopo ambao utamuangamiza kinda huyu?