Arsenal na Man City zatajwa kuingia vitani kumsajili Enzo Fernandez

Hatima ya Enzo Fernandez ndani ya Chelsea

Kiungo wa kimataifa wa Argentina, Enzo Fernandez, anajikuta kwenye mazingira magumu ya hatima yake katika klabu ya Chelsea. Baada ya msimu mgumu uliopita ambapo The Blues walimaliza katika nafasi ya kumi kwenye msimamo wa Ligi Kuu ya England, sasa klabu hiyo inaanza mchakato wa kujijenga upya chini ya kocha mpya, Xabi Alonso.

Hata hivyo, ukosefu wa soka la michuano ya Ulaya umeonekana kuleta hofu kwa mashabiki na uongozi kuhusu uwezekano wa kupoteza nyota wake. Tayari Marc Cucurella ameshasepa kujiunga na Real Madrid, jambo ambalo linaibua maswali kama Enzo Fernandez atakuwa mchezaji anayefuata kuondoka Stamford Bridge.

Real Madrid wanahitaji nini?

Kumekuwa na taarifa nyingi zikihusisha jina la Enzo na miamba ya soka nchini Hispania, Real Madrid. Hata hivyo, mtaalamu wa masuala ya usajili, Fabrizio Romano, ameweka mambo hadharani na kukanusha uvumi huo.

“Kwa kile nilichoambiwa, kwa sasa Real Madrid wanachukulia Enzo Fernandez kama mmoja tu kati ya chaguzi tano za viungo wanaowafuatilia. Hakuna mawasiliano yoyote yaliyofanyika na Chelsea hadi sasa,” alisema Romano kwenye chaneli yake ya YouTube.

Romano aliongeza kuwa ili Real Madrid wafanye hatua yoyote ya kumsajili kiungo, lazima kuwe na mchezaji atakayeondoka kwanza kikosini mwao. Kwa sasa, mazungumzo baina ya klabu hizo mbili hayajafika hatua yoyote, hivyo mashabiki wanashauriwa kuwa watulivu kwani dili la haraka halipo mezani.

Arsenal na Man City watajwa

Katika hali isiyotarajiwa, si Real Madrid pekee wanaohusishwa na kiungo huyo. Taarifa kutoka kwa mwandishi wa Sportitalia, Gianluigi Longari, zinaeleza kuwa vigogo wa Ligi Kuu ya England, Arsenal na Manchester City, wameanza kufuatilia kwa ukaribu hali ya Enzo.

Inaonekana kuwa mchezaji huyo mwenyewe anatamani changamoto mpya nje ya Chelsea, na klabu hizo mbili za England zimeanza kukusanya taarifa za kutosha ili kuona kama zinaweza kuingia kwenye ushindani wa kumsajili. Kwa sasa, hali ya Enzo Fernandez inabaki kuwa mojawapo ya mada kuu zinazotawala soko la usajili huku msimu mpya ukikaribia.

Kama Enzo atachagua kubaki chini ya Xabi Alonso au atajaribu bahati yake katika klabu nyingine, ni jambo ambalo litaendelea kufuatiliwa kwa karibu katika siku zijazo.