Chelsea wakosa saini ya mshambuliaji chipukizi, Juventus wajipatia huduma yake

Chelsea wazidiwa kete katika mbio za usajili

Klabu ya Chelsea imepata pigo katika harakati zao za kuimarisha safu ya ushambuliaji baada ya kushindwa kumnasa mshambuliaji chipukizi, Kerim Alajbegovic, ambaye sasa anaelekea kujiunga na klabu ya Juventus ya Italia.

Alajbegovic, mwenye umri wa miaka 18, alikuwa kwenye rada za Chelsea kwa muda sasa, kufuatia kiwango chake bora alichokionyesha msimu uliopita alipokuwa kwa mkopo RB Salzburg, na baadaye kung’ara kwenye mashindano ya Kombe la Dunia akiwa na timu ya taifa ya Bosnia na Herzegovina.

Makubaliano yameshafikiwa na Juventus

Taarifa kutoka nchini Ujerumani zimethibitisha kuwa Juventus wamefanikiwa kuwashinda Chelsea pamoja na Napoli katika mbio za kumpata nyota huyo. Mwandishi wa habari za michezo Florian Plettenberg ameweka wazi kuwa dili hilo limekamilika.

“Kerim Alajbegovic kuelekea Juventus - DILI LIMEKAMILIKA. Makubaliano kamili yamefikiwa na Bayer 04 Leverkusen kwa ada ya kudumu ya Euro milioni 33. Pamoja na bonasi, Leverkusen wanaweza kupokea hadi Euro milioni 40.”

Ripoti hiyo iliungwa mkono na mwandishi Ben Jacobs, ambaye aliongeza kuwa ingawa Chelsea walifanya mazungumzo na klabu hiyo ya Ujerumani, Juventus ndio waliokuwa mstari wa mbele kufunga dili hilo.

Mkakati wa usajili wa Chelsea

Katika dirisha hili la usajili, Chelsea wamekuwa na mtindo wa aina yake. Wakati wakijaribu kuleta vijana wenye vipaji, wamejikuta wakisaini wachezaji wenye umri mkubwa kama Jordan Henderson na Danny Welbeck, hatua ambayo imezua maswali mengi miongoni mwa wachambuzi na mashabiki juu ya mwelekeo wa klabu hiyo.

Ingawa tayari wameshasajili vijana kama Marco Palestra, Geovany Quenda na Emmanuel Emegha, kupoteza nafasi ya kumsajili Alajbegovic ni pigo lingine kwa mpango wao wa muda mrefu.

Je, kuna nafasi ya usajili huu kubadilika?

Ingawa makubaliano kati ya klabu hizo mbili yameshafikiwa, bado kuna hatua moja muhimu ambayo haijakamilika, nayo ni makubaliano ya maslahi binafsi (personal terms) kati ya mchezaji na Juventus, pamoja na vipimo vya afya. Hata hivyo, kwa hali ilivyo sasa, inaonekana vigumu kwa Chelsea kurudi nyuma na kutaka kuhujumu dili hilo (hijack) kwa mafanikio.