Jordan Henderson yuko tayari kutua Chelsea, Danny Welbeck naye kwenye rada

Henderson anataka mikoba ya Chelsea

Kiungo mkongwe wa England, Jordan Henderson, anatajwa kuwa na nia ya dhati ya kujiunga na Chelsea katika dirisha hili la usajili. Mchezaji huyo mwenye umri wa miaka 36, kwa sasa anachezea Brentford na taarifa zinaeleza kuwa klabu yake iko tayari kumruhusu kuondoka bure.

Uhamisho huu unakuja baada ya Chelsea, chini ya kocha Xabi Alonso, kushindwa kumsajili Granit Xhaka kutoka Sunderland. Inaelezwa kuwa Alonso alikuwa akimhitaji sana Xhaka ili kuimarisha safu yake ya kiungo, lakini Sunderland waligoma kumwachia staa huyo wa zamani wa Arsenal.

Uzoefu na uongozi ndiyo kipaumbele

Kwa mujibu wa mwandishi wa habari za michezo Ben Jacobs, Chelsea wanatafuta wachezaji wenye uzoefu na uongozi ndani ya uwanja. Tabia na nidhamu ya Henderson zimeonekana kuwa nguzo muhimu inayomvutia Alonso katika kumsajili nyota huyo wa zamani wa Liverpool.

Fabrizio Romano, mtaalamu wa masuala ya usajili, amethibitisha kuwa Chelsea ndiyo klabu inayoongoza kwenye mbio za kumnasa Henderson. Pamoja na Chelsea, kuna klabu nyingine mbili zinazomnyatia mchezaji huyo, lakini Henderson mwenyewe anaonekana kuvutiwa zaidi na dili la kutua Stamford Bridge.

David Ornstein wa The Athletic pia ameongeza kuwa uhusiano mwema kati ya Henderson na uongozi wa Brentford umeifanya hali hiyo kuwa rafiki, hivyo kuwezesha mpango wa kuondoka kwake bila gharama za ada ya uhamisho.

Danny Welbeck naye anahusishwa na Chelsea

Si Henderson pekee anayehusishwa na Chelsea kwenye dirisha hili. Taarifa zinaeleza kuwa mabosi wa Chelsea wapo kwenye mazungumzo na Brighton kwa ajili ya kumsajili mshambuliaji Danny Welbeck.

Welbeck, mwenye umri wa miaka 35, naye anaripotiwa kuwa tayari kujiunga na Chelsea. Mkataba wake na Brighton umebakiza mwaka mmoja pekee, jambo ambalo linaifanya Chelsea kuwa na matumaini ya kukamilisha dili hilo mapema.

Kama ilivyo kwa Henderson, sifa za Welbeck kama mchezaji mwenye tabia njema na fit kwa mfumo wa timu zimetajwa kama sababu kubwa ya Chelsea kutaka huduma yake. Hivi sasa, Chelsea wanashughulikia pia mipango ya kuuza baadhi ya washambuliaji ili kupisha nafasi kikosini.