Manchester City wamuangalia Alexis Mac Allister kama mbadala wa Enzo Fernandez

Man City wanatafuta mbadala wa viungo walioondoka

Manchester City wapo kwenye mchakato mkubwa wa kufumua na kusuka upya eneo lao la kiungo kufuatia mabadiliko makubwa yanayoendelea klabuni hapo. Baada ya kumpoteza Bernardo Silva na kutarajiwa kumpoteza Rodri anayeelekea Barcelona kwa ada ya karibu Euro milioni 60, klabu hiyo inahitaji haraka kuziba nafasi hizo.

Ripoti kutoka kwa mwandishi Fabrizio Romano zinaeleza kuwa licha ya kumsajili Ayyoub Bouaddi kutoka Lille, Pep Guardiola bado hajaridhika na eneo hilo na anahitaji kuongeza nguvu zaidi kabla dirisha la usajili halijafungwa.

Enzo Fernandez bado ni mgumu

Awali, City walikuwa wamemlenga kiungo wa Chelsea, Enzo Fernandez, na hata kufanya mawasiliano na wakala wake, Javier Pastore. Hata hivyo, Chelsea wamegoma kushusha bei yao ya pauni milioni 120, jambo linalofanya dili hili kuwa gumu kufikiwa kwa sasa.

Chelsea wenyewe hawana haraka ya kumuuza mchezaji huyo, wakitaka abaki kikosini, jambo linaloifanya City kuanza kuangalia njia mbadala ambazo ni nafuu zaidi kiuchumi ili kuimarisha kikosi chao kwa haraka.

Alexis Mac Allister anatazamwa kwa karibu

Kwa mujibu wa taarifa kutoka Ben Jacobs kupitia talkSPORT, jina la kiungo wa Liverpool, Alexis Mac Allister, limeanza kutajwa ndani ya Man City kama mbadala sahihi na wa gharama nafuu ukilinganisha na Fernandez.

“Najua ndani ya klabu jina la Alexis Mac Allister limetajwa, lakini hakuna mawasiliano yoyote yaliyofanyika hadi sasa na Liverpool. Hivyo, ni sehemu tu ya mchakato wa kuandaa orodha ya wachezaji tunaowatazama,” alisema Jacobs.

Ingawa Mac Allister anatazamwa na mabingwa hao, bado hakuna dalili zozote za Liverpool kutaka kumuuza mchezaji huyo, wala mchezaji mwenyewe kuonyesha nia ya kutaka kuondoka Anfield. Hali hii inafanya uwezekano wa dili hili kutimia kuwa mdogo kwa sasa.

Curtis Jones kuelekea Inter Milan

Wakati City wakiwa na presha ya kusajili viungo, kwa upande wa Liverpool, hali ni tofauti. Klabu hiyo iko tayari kumuuza Curtis Jones, ambaye yupo mwaka wake wa mwisho wa mkataba. Taarifa zinadai kuwa Jones amekubali kujiunga na mabingwa wa Serie A, Inter Milan, katika dili linalotajwa kufikia pauni milioni 30.