Stuart Pearce amkosoa Noni Madueke baada ya England kuichapa DR Congo

Madueke atupiwa lawama na Pearce

Beki wa zamani wa timu ya taifa ya England, Stuart Pearce, amemnyooshea kidole staa wa Arsenal, Noni Madueke, kwa kiwango chake katika mchezo wa Kombe la Dunia dhidi ya DR Congo uliomalizika kwa England kushinda mabao 2-1.

Licha ya England kufanikiwa kutinga hatua inayofuata, Pearce hakufurahishwa na namna Madueke alivyocheza katika kipindi cha pili. Mshambuliaji huyo, ambaye alionyesha kiwango kizuri katika kipindi cha kwanza, alionekana kupwaya hadi nafasi yake kuchukuliwa na Bukayo Saka.

Akizungumza wakati wa mchezo huo, Pearce alisema:

“I’ve got to say I was really disappointed with Noni Madueke. I was impressed by him in the first half, I thought he was outstanding at times. But in the second half, I think he took the easy option, got tired and gave up.”

Harry Kane anusuru jahazi

Katika mchezo huo, DR Congo iliwashangaza wengi kwa kutangulia kufunga bao la mapema kupitia kwa Brian Cipenga dakika ya saba, jambo lililoifanya England kupata wakati mgumu kwa muda mrefu wa mchezo.

Hata hivyo, nahodha Harry Kane alikuwa shujaa wa siku hiyo kwa kufunga mabao mawili, moja likiwa la kusawazisha dakika ya 75 na lingine la ushindi dakika ya 86, baada ya kupokea pasi nzuri na kufunga kutoka kwenye mazingira magumu.

“It feels amazing to be honest. What a crazy game… We are in the part of the tournament when you have to grind wins out, and that’s what we have done today,” alisema Kane baada ya mchezo huo.

Kauli ya Tuchel

Kocha wa England, Thomas Tuchel, amepongeza juhudi za wachezaji wake kwa kuonyesha uvumilivu na imani licha ya kutanguliwa kufungwa. Tuchel alikiri kuwa mchezo haukuwa rahisi kutokana na ubora wa kipa wa DR Congo, Lionel Mpasi, ambaye alifanya kazi kubwa kuokoa michomo kadhaa ya hatari.

“Haikuwa rahisi kama wengi walivyotarajia, lakini tulilazimika kupambana hadi mwisho. Hizi ndizo mechi zinazotupa imani zaidi kama timu,” aliongeza Tuchel.

England sasa inajipanga kwa ajili ya hatua inayofuata, huku mjadala ukiwa umebaki kama Madueke atapata nafasi nyingine katika kikosi cha kwanza kufuatia ukosoaji huo mkali kutoka kwa wadau wa soka.