Tottenham yashusha presha ya mashabiki kuhusu Tonali, yafunguka mpango wa Savinho

Presha ya mashabiki yatulizwa

Klabu ya Tottenham Hotspur imekuwa moja ya timu zenye shughuli nyingi kwenye dirisha hili la usajili. Baada ya kuponea chupuchupu kushuka daraja msimu uliopita, uongozi wa Spurs umedhamiria kubadilisha upepo kwa kusajili wachezaji wapya ili kuimarisha kikosi cha kocha Roberto De Zerbi.

Hata hivyo, mashabiki wamekuwa na hofu kutokana na kuchelewa kutangazwa rasmi kwa kiungo wa Newcastle, Sandro Tonali, licha ya mchezaji huyo kuonekana jijini London kwa ajili ya vipimo vya afya wiki iliyopita. Mchambuzi maarufu wa masuala ya usajili, Fabrizio Romano, amewatoa hofu mashabiki hao.

“Usajili wa Sandro Tonali umekamilika, umefungwa na hauna shaka yoyote,” alisema Romano. “Mashabiki wengi wanauliza kwa nini haujatangazwa, lakini hakuna sababu ya kuwa na wasiwasi. Mikataba, vipimo vya afya, na kila kitu kimekamilika. Muda wa kutoa taarifa rasmi ni uamuzi wa klabu yenyewe.”

Tonali azungumzia hatua mpya

Tonali mwenyewe alizungumza na wanahabari kabla ya safari yake kuelekea Uingereza, akisisitiza kuwa ameondoka Newcastle kwa amani.

“Ilikuwa ni mchakato mrefu kidogo. Tulikuwa na makubaliano na Newcastle, tulizungumza kila siku na mwishowe tumefanikiwa. Walitaka ubora kutoka kwangu, nasi tulitaka makubaliano mazuri kwa pande zote. Tumeachana kwa mahusiano mazuri,” alisema kiungo huyo.

Alipoulizwa ni kwa nini alichagua kujiunga na Tottenham, Tonali alimtaja kocha Roberto De Zerbi kama sababu kubwa. “De Zerbi alicheza nafasi kubwa sana katika hili. Ni chaguo la kimaisha na familia baada ya miaka mitatu Newcastle. De Zerbi anastahili sifa nyingi, sio tu kama rafiki wa karibu, bali kama mfanyakazi hodari.”

Safari ya kumnasa Savinho inaendelea

Sio Tonali pekee anayehusishwa na Spurs. Klabu hiyo inaendelea kufanya kazi kwa bidii kumsajili winga wa Manchester City, Savinho, ambaye anaonekana kuwa shabaha yao ya saba msimu huu.

Romano amethibitisha kuwa Tottenham hawajakata tamaa na mchezaji huyo. “Savinho bado ni target ya Tottenham. Kama nilivyokuwa nikiripoti mara kwa mara, klabu bado inafanyia kazi dili hili. Ratiba ya kukamilika itategemea mambo kadhaa, ikiwemo msimamo wa Manchester City na ada ya uhamisho. Tottenham wanamchukulia Savinho kama mchezaji muhimu.”

Ujenzi mpya wa Spurs

Hadi sasa, Tottenham wameshasajili wachezaji watano ambao ni Andy Robertson, Martin Dubravka, Marcos Senesi, Jan Paul van Hecke, na Mateus Fernandes. Kwa kuongeza Tonali na pengine Savinho, ni wazi kuwa De Zerbi anajenga kikosi imara chenye uwezo wa kushindana kileleni mwa Ligi Kuu ya Uingereza msimu ujao.