Xabi Alonso anasa Aurelien Tchouameni, Manchester United pabaya

Xabi Alonso aanza vyema Chelsea

Katika hali ya kuwashangaza wengi, kocha mpya wa Chelsea, Xabi Alonso, anatajwa kufanikiwa kumshawishi kiungo wa kimataifa wa Ufaransa na klabu ya Real Madrid, Aurelien Tchouameni, kujiunga na kikosi chake huko Stamford Bridge. Hatua hii inaonekana kuwa pigo kubwa kwa Manchester United, ambayo imekuwa ikimfanya mchezaji huyo kuwa ndoto yake kuu katika dirisha hili la usajili.

Ripoti kutoka Hispania zinaeleza kuwa Alonso anatumia vyema uhusiano wake mzuri na Tchouameni, pamoja na hali ya sintofahamu inayotawala ndani ya chumba cha kubadilishia nguo cha Real Madrid kwa sasa, kuwashawishi wachezaji nyota kutua Uingereza. Inaelezwa kuwa kiungo huyo hakuwa na furaha na matukio ya hivi karibuni huko Madrid, hali inayomfanya awe tayari kuanza changamoto mpya kwenye Ligi Kuu ya Uingereza (Premier League).

Pigo kwa Manchester United

Mambo yameonekana kumuendea mrama kocha wa Manchester United, huku wakikosa saini za viungo kadhaa ambao walikuwa wakipigiwa chapuo. Klabu nyingine kama Manchester City na Tottenham tayari zimeshatinga sokoni na kukamilisha usajili wa viungo muhimu, huku United ikionekana kusita kulipa gharama kubwa.

Gwiji wa Manchester United, Rio Ferdinand, alikuwa na mtazamo wake kuhusu hatua hiyo ya klabu yake ya zamani. Kwenye chaneli yake ya YouTube, Ferdinand alidai kuwa United huenda wanabana matumizi ili kujiweka sawa kwa ajili ya usajili mkubwa wa Tchouameni.

“Nadhani Manchester United na Arsenal wameweka wazi msimamo wao katika dirisha hili; hawataki kulipa pesa nyingi kupita kiasi kwa wachezaji wasiostahili. Nitaweka shingo yangu mbele, naamini United wanashikilia fedha zao kwa ajili ya mtu mmoja tu, naye ni Tchouameni. Kama atapatikana sokoni, United hawawezi kukubali kumpoteza,” alisema Ferdinand.

Nini kinafuata?

Wakati United wakiamini kuwa wana nafasi nzuri ya kumsajili mchezaji huyo, juhudi za Xabi Alonso zinaonekana kutoa matunda. Tchouameni anaripotiwa kuwa tayari kuondoka Real Madrid na anasubiri tu kuona ofa rasmi kutoka kwa mmiliki wa Chelsea, Todd Boehly, ili kukamilisha uhamisho wake.

Kwa sasa, mashabiki wa soka wanasubiri kuona kama kweli Chelsea watafanikiwa kumnyakua nyota huyo, au kama Manchester United wataibuka na ofa itakayobadili mwelekeo wa mambo. Dirisha hili la usajili linaendelea kuwa na ushindani mkubwa, huku kila klabu ikijaribu kuimarisha vikosi vyake kabla ya msimu mpya kuanza.