Liverpool yamfukuzia Djed Spence wa Tottenham baada ya kung'ara Kombe la Dunia

Mkakati wa Liverpool kujiimarisha

Klabu ya Liverpool inaendelea na mchakato wa kusuka upya kikosi chao chini ya kocha mpya, Andoni Iraola. Baada ya kumaliza msimu uliopita katika nafasi ya tano, klabu hiyo inatafuta njia za kuziba nafasi zilizoachwa wazi na wachezaji nyota walioondoka, wakiwemo Mohamed Salah, Ibrahima Konate, na Andy Robertson.

Sasa, taarifa kutoka Anfield Watch zinaeleza kuwa Liverpool imeelekeza nguvu zake kwa beki wa pembeni wa Tottenham, Djed Spence. Beki huyu anatazamwa kama chaguo sahihi kutokana na uwezo wake wa kucheza upande wowote wa ulinzi, jambo ambalo ni muhimu kwa Liverpool inayohitaji mbadala wa uhakika baada ya kukumbwa na changamoto za majeruhi kwa wachezaji kama Conor Bradley msimu uliopita.

Ufuatiliaji wa muda mrefu

Liverpool haijaanza kumfuatilia Spence leo. Inafahamika kuwa mabingwa hao wa zamani wa Ligi Kuu ya Uingereza wamekuwa wakimfuatilia beki huyo tangu mwaka 2023, wakati alipokuwa akichezea Rennes. Wakati huo, Liverpool ilikuwa ikimfuatilia Desire Doue, lakini uwezo mkubwa wa Spence wa kupambana uwanjani uliwavutia wachunguzi wa vipaji wa klabu hiyo.

Ingawa wakati huo Liverpool haikuweka ofa rasmi, imekuwa ikifuatilia maendeleo yake kwa ukaribu na sasa wanaamini ni wakati mwafaka wa kufanya jaribio kumsajili.

Tottenham wako tayari kumuuza

Habari njema kwa Liverpool ni kwamba Tottenham imeripotiwa kuwa tayari kumuachia mchezaji huyo ili kupata fedha za kufanya usajili mwingine. Spence ni mmoja wa wachezaji watano ambao Spurs wanapanga kuwauza ili kukusanya kitita cha paundi milioni 170 kwa ajili ya kuimarisha kikosi chao.

Kiango cha Djed Spence kwenye Kombe la Dunia kilichomalizika hivi karibuni kimeongeza thamani yake na kuvutia timu mbalimbali kama Everton, Newcastle, na Inter Milan. Uchezaji wake hususan katika mchezo dhidi ya Norway uliompeleka England nusu fainali, ulimfanya apate sifa kemkem.

Akionyesha kuguswa na kiwango hicho, gwiji wa zamani wa Manchester United, Rio Ferdinand, alimtaja mchezaji huyo kupitia mtandao wa X kwa kusema:

DJED SPENCE – respect. People need to put some respect on his name!

Kufikia sasa, ushindani wa kumsajili Spence unaonekana kuwa mkubwa, lakini Liverpool inaamini kuwa na nafasi ya kuipata saini yake ikiwa watachukua hatua za haraka katika dirisha hili la usajili.